روايـة :طفـلتك مـآعـآشت أحــسآي الطفـولة..فـآقدة فـي هـالزمن أحـسآسها..!

آلــبــآرت آلــخــآمس ..


][ حـآجتي لـكـ ][ ..

حـآجـة الأيـتــآمـ .. وً .. إيدين آلـغـريق ..

طـآلبـكـ طـلـبه ..
تـرآنـي ’’ أعـشـقـكـ ’’ ..

صُــون الأمــآنــه ..} ..

\
/
\
الخـبر – حي الحـزآم الذهبي ..

قالت أم عـزآم بتوتر وي تبي تتأكد من اللي ببالهـآ : ياامي إنتي أبوك قد سـآفر فرنسـآ يدرس أو يشتغل ؟؟
إستغربت فـآتن أكثر وقالت وهي عـآقدهـ حوآجبهآ : إيه سـآفر درس بـ فرنسـآ وكـآن سـآكن عند عـآئله فرنسيه اللي هم أهل أمي .. وكـآنوآ مسلمين وبعـدهـآ تزوج مأما ..
ظهرت تباشير الفرح بوجه ام عزام اكثر وقالت : يعني يعني إنتي بنت فـهـد ؟؟ فهـد ؟؟
إستغربت فاتن اكثر وتحس اعصابهـآ بتتلف من كـلآم ام عزام الغامض وقامت عندها ومسكت ايدينها وقالت : ياخـآله تكفين وش عرفك بـ أبوي ..؟؟ وليش مستغربه إني بنته ؟؟
ضمتهـآ أم عزام ودموعهـآ تنسكب على خدهـآ بهدوء وسط ذهول الكل وإستغرآبهم وأولهم ام سعـود اللي ماتدري وش في إختهـآ أو وش تحس فيه >> ^,* ..

فاتن كان حالها اردى من حال الموجودين ذهول وإستغراب وخوف ..
ماتدري ليش خـآيفه أو من إيش ...
يمـكن لأنها خايفه تسمع شئ مايرضيها عن ابوها .. او ان طلع لأبوها اهل بعد كل هالسنين ولأنه وحيد اهله صار مثل المقطوع من شجرهـ ..
سحبت نفسهـآ بهدووء من حضن ام عزام وهي تقول برجـآء : خـآلتي تكفين طلبتك وش اللي تعرفينه عن ابوي وخـلى حالك كذا ؟؟ تكفين طمنيني ..
مسحت ام عزام دموعها بطرف شيلتها وهي تقول بحنان فائق لـ فاتن : يمـه .. أبوك ماعندهـ غيرك ؟؟ يعني اقصد ماعندك اخوان ؟؟
فاتن خلاص ماعاد فيها صبر ودها تقوم تصارخ وتقول ليش كل هالأسئله بس قالت بصوت متوتر : لا عندي اخت واخو من زوجته الثانيه ..
قالت ام عزام : الله يرحمك ياابو عزام .. كان وحيد ابوة وامه وتوفى ابوة وهو صغير .. بعدهـآ أمه تزوجت وآحد ينقال له عبدالله الفهـد وجالهـآ ولد منه .. اللي هو ابوك ياامي .. ولمـآ كبروا تزوجت انا بو عزام وجبت عزام وسمر وعصام وسارهـ .. ويوم كنت نفاس بـ سارهـ عام 1407هـ قالي ابو عزام ان فهـد اخوة يبي يسـآفر يكمل دراسته بـ فرنسا .. وبعدهـآ سـآفر على اساس يضل هنـآك 4 سنين .. واللي نعرفه انه راح مع واحد من اصدقائه .. وسكن معـآهـ .. بعد سنتين عام 1409 هـ جـآنـآ خبر إنه صديق فهد اللي سافر معـآهـ صار له حادث معـآهـ وتوفى ومعـآهـ شخص ثاني بعد بس دخل بـ غيبوبه وبعدهـآ توفى .. كلنا قلنا انه اكيد هذا فهـد الا ابو عزام اللي مافقد الأمل انه اخوة يكون حي .. عاش حاله مو طبيعيه وجـآء لـه القلب من كثر الصدمـآت اللي يتعرض لهـآ لمـآ احد يقوله حي والا مـآت والا ماندري عنه .. كان مايقدر يسافر لأن حالنـآ بسيط ومو قد تكاليف السفر والسكن بدوله اجنبيه .. بعد سنتين أنـآ جبت سديم عام 1412هـ .. ولما صار عمرهـآ 10 سنين توفى ابو عزام عام 1422هـ وكان يوصيني بالعيال وبـ فهـد .. ويقول لي فهـد حي يامنيرهـ .. فهـد مـآمـآت .. (( إنهـآرت أم عزام تبكي لما تذكرت هالموقف مثل مالكل يبكي من أثر الصدمه بالخبر .. معقوله فاتن بنت عمهم ؟؟؟ معقووله ؟؟ ))
أمـآ فاتن كانت أكثرهم إنهيار لمـآ حست بـ طعم الأهل والقرابه والعـآئله ..
يعني انا لي اهل .. لي نـآس يحبوني واحبهم بـ صدق .. لي عمام وعائله كبيرهـ ..
لي بنت عم وولد عم وزوجـة عم ؟؟ معقوله أنـآ عندي كل هـذا وانا ماادري ؟؟

ماحست بنفسهـآ إلا وهي بحـضن ام عزام اللي كانت تشم فيهـآ ريحـة الغـآلي هي ماقدرت تنفذ وصيته بـ فهـد لأنه رجـآل كبير .. بس تقدر تنفذهـآ ببنته اليتيمه الأم .. والي بحاجتهم ..
ضمتهـآ أكثر لهـآ وفاتن تبكي بصوت عالي ..

\
/
\
عند الشباب ..

قام واقف وبـآن طوله الجـذاب وجسمه الحـلو وهو ينسف شمـآغه ويقول لـ عصام وتركي : قوم خلص إنت وإيـآهـ من الصبح وإنتم تتقهـوون بالله ماشبعتـوآ ؟؟
شرق عصام بالقهـوهـ وقال : كح كح كح الله ياخذك قول آمين ,, وش هالعين مالت عليك ؟؟ ياخي انت واحد تهتم برشاقتك بزيـآدهـ خلنـآ نـآخذ راحتنـآ بالأكل .. واكل بيت زي الأوآدم مو اللي تطبخه لنـآ بـكل كشته اللي يديم النعـمه بس ..

ضربه نواف على ظهـرهـ برجله بخفيف وهو يقول : قوم قوم بس .. الله يديم النعـمـه هـآهـ .. اجل لا كشتنـآ لا اشوف خشتك مقـرَّب عندي وتبي تذوق وتاكل .. والله لأفقع وجهـك فـآهم ؟؟
ضحك تركي عليهم وقام يوقف وهو يمسك جيوبه ويقول : قوم بس انت واياهـ .. لو نننتظركم تخلصون مناقرتكم ماخلصتوا .. والله كانكم ضراير مو اخويـآء خخخخخخخخخخخخخ ..
ضحكـوآ عليه الشبـآب وطلع تركي ونواف وعصـآم يروحون يتمشون ويقابلون اخوياهم الباقيين ..
أمـا سعود وعزآم ومحمد جـآلسين يسولفون ..
ويحاولون يقنعون عزام بالزواج .. بس هو معنَّـد مايتزوج الا بعد مايزوج اخوه وخواته ..

\
/
\

عند البنـآت ..

قطع جـو الهـدوء والدموع صوت فاتن لمـآ قالت لأم عزآم بعد مـآهدت شوي : طيب ياخاله انتي ماسالتي بعد كذا ماقلتي لـ عزام ؟؟

قالت ام عزام بهـدوء : عزام ياامي كانت حـآلته حـآله .. توفى ابوهـ وعمرهـ 19 سنـه توهـ بأول جـآمعـه وكان يشتغل محـآسب بشركـه بالخبر .. بعدين نقلنا الدمام لأن ابو عزام كان شاري بيت هنـآك بس مأجرهـ ,, ولما توفى طلعنا المأجرين ورحنا سكننا فيه لأننا ماكنا نقدر ندفع اجار البيت بالخبر .. وبعـدهـآ انا نسيت الموضوع تمـآمـآ لأنه كل ماسالت احد قالوا لي ان اللي كان مع صديق فهـد بالحـآدث سعودي معنـآتهـآ هو ,, وشلت الموضوع من بالي واهتميت بعيالي ..
وإنتي يامي كيف كنتوا عايشين ..

شكتت فاتن شوي تتذكر وقالت بصوت هادئ مازالت اثار الصدمه عليه : انا ياخالتي اللي اعرفه ان ابوي بعد سنتين من دراسته سكن عند عائله فرنسيه مثل ماقلت لك وتزوج ماما ولمـآ ماما جابتني منعوهـآ تحمل بعدي .. بس بعد 9 سنين حملت وهالشئ أثر عليهـآ كثير لأنها كانت تبي تجيب لي اخ او اخت بس ماربي كتب .. لأنهـآ توفت بالولآدهـ والطفل كـآن ملتف عليه الحبل السري وانخنق وتوفى .. وعدم اهتمامهم فيهـآ كـآن أحد اسباب الوفـآهـ على كلام بابا .. وبعدهـآ بسنه جيت انا وبابا ع السعوديه وسكننا بالخبر ,, درست انا وهو فتح له مؤسسه صغيرهـ لحد ماكبرت الحين وصارت من اكبر اللشركات بالشرقيه ..
قالت أم عزام : الله يرحمهـآ يارب ..
ووشلون زوجـة ابوك معاك ياامي ؟؟
بان الالم والهم على وجـه فاتن وقالت وهي منزله راسهـآ : الحمدلله على كل حـآل ياخالتي ..
حزنت ام عزام على فاتن اكثر وقالت : الله يفرجهـآ من عندهـ يابنيتي لا تضيقين نفسك ..
إبتسمت فاتن بألم وقالت وهي تطالعهم كلهم : امين ياخـآله .. بس شلون اضايق نفسي وانا عرفت انه طلع لي اهل وعائله وعزوهـ بعد ابوي .. انا كنت احسد لمى عليكم وانه عندها اقارب وناس يحبونها وتحبهم ... ناس تربطهم فيها علاقة دم وقرابه مو بس صداقه ,, ( قالتهـآ وهي تمسح دمـعـة فرح وحيدهـ نزلت من عينهـآ ) ..
قامت لمى عند فاتن وهي تضمهـآ وتقول بـمـزح محاولة تغيير الجو الكئيب : وش عليك ياعم طلعت سديم بنت عمك .. وانا اللي طلعت من هالعلاقه بلووشي .. ههههههههههههههههههه ..
ضحكوا كلهم وقامت سديم عند فاتن وهس تسحبهـآ من لمى وتضمهـآ وتقول : وخري بس عن بنت عمي .. واااااااي وناااسه طلع عندي بنت عم غير الشيفه لمـى ..
ضحكوا كلهم على هبال الـ ثنتين وقالت لمى لأمهـآ وهي حاطه يدها على خصرهـآ وتمثل الزعل : يممممممـه تكفين حاولي تتذكري يمـكن عندي عم والا عمـه من الرضاعه غير عمي الأقشر طلال ..
ضحكت امهـآ وقالت : من وين اجيب لك ياحظي .. هذولا اهلك وهذا حظك عـآد ..
قالت لمـى بجديه : بس الغريب يمـه إنه من 8سنين وفاتن صديقتي وجيراننا بعـد ولو ان بيتهم بالجهه الثانيه بس ماقد جبنا طاري ابوهـآ قدام خالتي من قبل ولا عرفت الا الحين .. وحتى انتي يمـه ماعرفتي انه هذا اخو عمي خالد الله يرحمـه ,,
قالت امهـآ : مو احنا ياامي كنا ساكنين بالرياض .. بس لمـآ توفى ابو عزام الله يرحمـه قبل 10 سنين ابوك قدم نقل على ارامكو من الرياض للشرقيه وانقلوة الخبر .. وماكنت اعرف بـسالفة اخوة ..
قالت سمـر وهي تبوس فاتن على خدهـآ : بس الحمدلله ان الله اظهر الحق وبانت الحقيقه وعرفنـآك وعرفتينـآ ..
إبتسمت فاتن بـ محبه لـ سمر وقالت : اللهم لك الحمـد يااارب ..

سمعـوآ أذان المـغرب وقاموا يصلون ..
وفاتن طول صلاتهـآ وهي تحمدالله وتشكرهـ على هالنعمـه ..
بس باقي ترجع البيت وتتأكد من هالكـلآم من أبوهـآ ..
لأنهـآ بس تتذكر انه مرهـ قال لأمهـآ قبل ماتتوفى انه عندهـ أخ بس ماعاد سمع عنه شئ او ساف منه رسائل وكذا ..
وهي نست هالشئ لأنهـآ كانت صغيرهـ ومااهتمت ..


.