من طرف SoOosh السبت يوليو 04, 2009 6:45 am
الخـبر – حي الـحزآم الذهبي ..
صحت من النوم وهي بحضـنـه وتشوف صدرهـ العريض العـآري بوجههـآ دفنت وجههـآ فيه زود وهي تشم ريحتـه ,, وتقول بقلبهـآ : أعشقـه يانـآس .. أحبه وأمووت فيه .. هو اللي تحمـل دلعي برغم عصبيته .. هو اكثر وآحد وآسـآني بوفـآة أبوي .. هو اللي كـآن يبكي معـي لابكيت .. هو اللي كـآن يحسسني بالدفـآء وقت البرد ,, هو اللي كـآن يهـآوشني ويرجع يراضيني بـ لسـآنه العسل وحبه الكبير ,, أعشق فيه قوته وسيطرته ,, رغم عصبيته ومعروف عنه كـآن يضرب أي أحـد يرفع ضغطـه إلا أنه ماقد فكر يمد ايدهـ علي .. مع إني عنيدهـ ورأسي يابس ودلووعه بزيـآدهـ إلا أنه قدر يخليني على كيفه ,, يانـآس هالآدمي غيرني وغير أشياء كثيرهـ فيني .. دفنت رآسهـآ بحضنه أكثر وحست ببوسه على جبينهـآ .. رفعت رأسهـآ لـه وقال بصوت كسل يدووخ : صباح الحب على كل الحـب ..
إبتسمت بحـب وقالت : صبـآح الهنـآء ياعيوون سـمـر ...
قال وهو يبوس رأس خشمهـآ : فديت عيونك ياقلبي ..
حـآوت سمـر تقوم من حضنه وهي تجـر الـروب حقهـآ وقالت : يللا حبيبي قوم بـلآ كسل .. ألحين أكيد رآمـآ وعزآم بيجون يطبون عليك لاشافوك نـآيم .. وأنا بأدخل أتحمم وأطلع أتجهز عشان نروح لأهـلك ..
سحبهـآ سعـود لحضنه مرهـ ثانيه وهو يقول : تصدقين عمري ؟؟؟
إلتفت عليه بمعنى وشو ..
كمل وهو يطالع بـ عيونهـآ بكل حب : كل يوم أحس إني أحـبـك أكثر ..
توردت خدود سمر وقلبهـآ يضرب طبول وقالت : وأنا ياسعود وربي كل يوم أعشقك أكثر وأكثر ..
سحبهـآ لحضنه أكثر وهو يطبع على شفـآيفهـآ أجمل وأرق بـوسه .. ويدهـ ورآ رأسهـآ ويشدهـآ لـه أكثر .. وذاب كل منهم بـآلثـآني ..
لكـن ليس كل مايتمنآهـ المـرء يدركـه .. قطع عليهم جـوهم الشـآعري صوت ضرب ع البـآب وهوآش ( رآمـآ & عـزآم ) .. توأم عمـرهم 5 سنين .. ^,*
رآمـآ بصوت يبكي : مـآمـآآآآآ .. شوفي عـذآم يضلبني عثـآن لـحت معـآهـ عند الـولد ,, ( مـآمـآ شوفي عـزآم يضربني عشان رحت معـآهـ عند الـولد ) ..
رد عـزآم عليهـآ وهو يسوي نفسه معصب وإنه هو الكبير : البنت ماتلوح عند الردآل .. حـآلي عذآم يدول تدا .. ( البنت ماتروح عند الرجال .. خالي عزآم يقول كذا ) ..
وإستمروآ بالصرآخ والهـوآش عند البـآب ..
أمـآ العـشـآق سمـر سحبت شفـآيفهـآ بهدوء ورقه من فـم سعـود وهي تضحك بنعومه وتقول : شفت عيـآلك .. أنـآ مالي ذنب ترى ..
ضحك سعـود بشويش وهو يلمس جبينهـآ ويقول : قومي شوفي لـهم .. لأني والله إن قمـت ذبحهـم مـآيكفيني ..
ضحكت سمـر وهي تلبس روبهـآ وتسـكرهـ على جسمهـآ الرشيق الصغير واللي يخفي عمـرهـآ .. وقالت وهي رايحه للبـآب : طيب ياماما جايه ..
فتحت الباب وارتمت رآمـآ بـ حضنهـآ تبكي وعزآم يطالعهـآ وهو معصب ويقول بحمـآس الصغار : ماما هي لاحت عندنا واحنا ردال عيب تدي هي معانا .. ثح ؟؟
( ماما هي راحت عندنا .. واحنا رجال عيب تجي معانا .. صح ؟؟)
ضحك أبوهـ على تفكير ولدهـ اللي أكبر منـه وقال وهو يلبس بلوزتـه : يابابا .. أختك تحبك عشان كذا راحت معـآك ... وانت المفروض ماتضربهـآ علمهـآ قولها عيب تجين عند الأولاد وهي بترجع البيت ..بس موتضربهـآ كذا ..
ضحكت سمر وهي تطالع بـ عزآم اللي موعاجبه كـلآم أبوهـ وقالت : والله صدق من قال كل واحد وله من اسمه نصيب ,, إنت خذيت كل صفات خـآلك .. ( وإلتفتت على سعـود وهي تقول ) تذكر يوم كان يضربني عـزآمـووهـ إذا جيت أجلس معـآكم ؟؟
ضحك سعـود على هـآلذكرى وقال بغرور مـآزح : إنتي أصلآ من صغـرك تحبيني وعشـآن كذا كنتي تضحين بـ عمرك وتنضربين من عزآم في سبيل انك تشوفيني وتكحلين ناظرك بشوفتي ..
ضحكت سمـر بصوت عـآلي وقالت : قول والله عـآد ,, ومن هو إن شاء الله اللي إذا جاء عندنا طلع غرفتي يدور علي ويشتري لي كل اللي ابيه عشان بس اجلس معـآهـ وأضحك لـه ؟؟ مو إنت ؟؟
ضحك سعـود أكثر وقال وهو جـآي جهتهـآ وينزل لـ عند وجههـآ ويقول : إيه أنـآ المجـنوون ســعــوود .. ( إبتسم بجـآذبيه قاتله زآدتـه وسـآمه وقال ) ومـآ غلطت يوم صرت مجنـوونك ...
وقرب بـآسهـآ على شفايفهـآ قدام عيالهـآ وهي طـآح وجههـآ ويوم بعـد عنهـآ وسط ضحكـآت رآمـآ وعزآم البريئه والخجـوله وهو يهمس بإذنهـآ : هذي تكملة اللي قطعـوهـ علينـآ .. ضحك على وجههـآ الأحـمـر وقام يدخل الحمـآم ياخذ له دش وتركهـآ وهي تطالع عيالهـآ بخجل وفشله من حركـة سعـود الجريئه وهي عـآرفه عيـآلهـآ نشرآت أخبـآر .. يعلمون بكل شئ يشوفونه .. عشـآن كذا منومتهم بـغرفه لحـآلهم خخخخخخخخخخخخخخخخخخخخ ..
(( سعـود ( 30 سـنـه ) .. وسيم مرهـ ويعشق سمـر من الطـفوله .. رومـآنسي وجرئ لأبعـد حد ,, بس عيبه إنه عصبي وينخـآف منه .. صديق عزآم وتوأم روحـه .. أسرآرهـم كلهـآ عند بعض .. )) ..
(( سمـر ( 26سنـه ) ,, جميله جدآ مـآخذهـ كثير من جمـآل أمهـآ وبياضهـآ .. جسمهـآ رشيق وصغير الل يشوفهـآ يعطيهـآ 22 بالكثير .. وهالشئ مجنن سعـود زيـآدهـ .. حبووبه مرهـ ومرحـه .. خجولـه أحيانـآ وبايعتـهـآ بأوقـآت ..حنونه كثير وحسـآسـه .. عشقهـآ مع سعـود الكل يعرف قصته من الصغر ..)) ..
\
/
\
في الخبر – حي الحـزآم الذهبي ..
صحى من النـوم وهو مكسـل مرهـ .. قـآم توضى وضلى الظهـر وهو لآبس بيجـآمته .. برمودآ رمـآدي وبلوزهـ كت بيضاء .. مبرزهـ لون جسمـه البرونزي بشكل حلو مرهـ .. مشط شعرهـ اللي يوصل لنهـآية رقبته ونزل لأهله تحت ..
شاف أمـه تشرب الشـآهي مع أبوهـ بعد الغدآء ودخل سلم على أمـه وأبوهـ وجلس جنب أمـه وهو يحط رأسه على فخذهـآ ويقول :آآآآآآآآآآآآآآهـ يايمـه ..
خـآفت أمـه عليه تعرف ولدهـآ كتـووم وحسـآس شوي قالت وهي تمسح على شعرهـ : تركي يمـه وش فيك عسى مـآشر ؟؟
رد بـهمس وهو يحط يدهـ على يد أمـه اللي على رأسه : مـآشر يمـه .. مـآشر ,,بس أحس إني تعـبـآآآآآآآن ..
خـآفت أمـه من قلب وأبوهـ طـآلعـه بإهتمـآم وقال بجديه : وش فيك ياولد ..؟؟ فيه شئ يوجعك ؟؟
سكت تركي وهو يغمض عيونه ويقول : الـجع هنـآ يايبه ( ويضرب على صدرهـ ) هنـآ .. هالقلب تآعبني ..
أبوهـ وأمـه تفـآجأوأ إن تركي يبوح باللي بخـآطرهـ ويقول شئ .. قال أبوهـ بحنيه وهو فهم وش فيه ولدهـ : وش فيه هالقلب يابووك ؟؟
سكت تركي لفترهـ وقال لأمـه وهو يطالعهـآ وهو منسدح على رجلهـآ : يمـه طلبتك .. ريحيني ..
أمـه جـآتهـآ الغصه أول مرهـ تشوف ولدهـآ كذا وبهالشكل .. ومبين من جدهـ يتكلم مايمزح وقالت بلهفه : وش أريحك فيه ياامك ؟؟
قال بهـدوء وهو يعدل جلسته : إخطبي لي ..
تفأجأت أمـه بقرآر ولدهـآ وقالت بفرحه: إبشر يمـه من اليوم أبدأ أدور لك انا وخواتك اللي تستاهلك ..
سكت شوي بعدين قال بهدوء كبير : لأ .. اللي أبيهـآ موجودهـ مايحتـآج تدورين يمـه ..
إستغربت أمـه ولفت على أبوهـ بعدين رجعت طالعته وهي تقول : من هي يمـه اللي تبيهـآ ؟؟
\
/
\
بالدور الثاني عند البنـآت ..
قاعدهـ تكلم بالجوال وتقول: يللا عـآد فتونـه .. اليوم اهل خالتي بيجـونـآ .. أبيهم يشوفونك ويتعرفون عليك ..
فاتن بـ حرج : لمـوو . يابنت إنتو أهل ولحـآلكم وش موقعي بالإعراب بينكم ؟؟
ردت لمى بزعل : فاتن انتي عارفه انك بالنسبه لأهلي أختي يعني بنتتهم ..واهلي اهلك يافتوونـه .. وبعدين اهل خالتي شفتيهم كلهم ماعدا خالتي وسـآرهـ .. سديم وشفتيهـآ أمس وحبيتيهـآ وحبتك ,, وسمـر زوجـة سعود أخوي كل يوم عندنـآ وتعرفينهـآ زين وعارفه قدرك عندهـآ .. يالله عـآد والا ترى بأقول لـ عـزآم إنك مابتجي .. وإنتي عـآد عـآرفه وش بيسوي لا زعل وأظن إنك جربتي زعـله .. صح ؟؟
إنصدمت فاتن وش تقول هالمهبوله وش دخل عزآم فيني جيت وإلا لا قالت بتهـور : لمـى وش هالكـلآم أنـآ وش علي منه ووهو وش عليه مني ؟؟ جيت والا لا ..
إنصدمت لمـى وقالت لـ فاتن تهديهـآ : فاتن وش فيك عزآمـوو الصغير ولد أخوي سعـود .. تعرفين شو كثر يموت عليك تقولين هـآلكـلآم عنـه ..؟؟ ( وكأنهـآ تذكرت قصد فاتن وضحكت بصوت عالي خلت سديم تنتبه وتجي تسحب الجوال وتحطه سبيكر .. وكملت لمـى بخبث ) .. أقول فاتن .. إحنا قلنا عـزآم هو اللي مابينام لاشافك .. بس الظـآهـر صار العكس .. لأني بس قلت إسمه نسيتي ولد أخوي وطوايفه وماخطر ببالك إلا عـزآم ولـد خالتي .. شكله عشعش بـ مخك أمس ههههههههههه ..
إنحرجت فاتن وجلست تسب نفسهـآ وتسب تفكيرهـآ المتسرع وقالت ترقع : هههههههه لا والله بس يعني .. أنـآ إستغربت يوم قلتي عزآم وكذا ونسيت قصدك إنه ولد سعـود .. بس والله وآحشني .. وإذا جيتك اليوم فـ هو عشـآن خـآطرهـ هو بس .. مو عشـآنك إنتي وخشتك زين ؟؟
ضحكوا لمى وسديم على ترقيع فاتن وتغييرهـآ السـآلفه وقالت لمى : يللا بس لاتتاخرين .. وإلا هـآلمرهـ بجد بأزعل عليك .. أوكي ؟؟
ضحكت فاتن وقالت : أوكي إن شاء الله .. بـآعطي أبوي خبر وأشوف لأنه معزوم عند أهل منى زوجته .. وأخاف يجبرني اروح معـآهم .. ذيك السـآعه بجد بأمووت قهر لأن مافيه أحد يحبني هنـآك ,,
قالت لمى : لا لا إن شاء الله إنتي قولي له وبإذن الله بيوافق وقولي له الصدق إنك لا رحتي هناك تتضايقين ويعاملونك زفت ..
فاتن : يصير خير إن شاء الله .. يللا بأمـآن الله ..
لمى : بأمـآن الكريم ياقلبي ..
\
/
\
* وش ممـكـن يحصل بين عـزآم وفـآتن هـآلمـرهـ ؟؟
هل من الممـكـن بيتقابلون والا الزمن أعطـآهم رآحـه من بعض ..؟؟
* تركي وقصـة حبـه المجـهـووله ؟؟
مين ممكـن تكون اللي يحبهـآ وقرر يخطبهـآ ؟؟
وهل أهله بيوافقون عليهـآ وإلا لا ؟؟
*عصام وتركي ونوآف ( أخو محمد زوج مهـآ ) ..
هل بيكون لهم توآجد قوي بالجزء الجـآي وإلا لا ؟؟
أنتـظر توقعـآتكم بفأرغ الصبر ..
قرآءهـ ممتـعه أتمنـآهـآ لكـم دون أي ملل ..
دمتــمـ بـحـفظ آلــرحـمـن ..
\
/
\
